حمد باری تعالی شینا زبان میں

شاعر:رضا  امجد ہندستان

آواز: غلام رسول ولایتی

نے چھین٘ݜےْ یون گہ تارے تھئ قدرت ئ نشاں ہن
استوم گہ جاگ پجیتوک مئ رب دو جہاں ہن

دنیات ئ نی رجاکیے دیگنو امتحانر
تھئ رزق جہ ججو جو ہر کھیݨ ہر زمان ہن

نش چپ بے تھیئ اچھو جو دنیات ئ کو گہ چیزک
بردی یئ جیک چگہ تھم تابع تھیئ آسمان ہن

سجدہ ج ہن توْم تلوݜے سجدہ ہنے سری گہ
غافل ہزر منوڙو سجدہ جہ قدسیاں ہن

دنیات ئ زندگی تو اک سانڇوک ئ شری ہین
شلٹیار اوالوک بو تو جریار تو اک خزاں ہن

کچاک تس را پریانو کچاک پیونے لیڇے
بگنی ج تھیی دبونا بش جیک سریک نہاں ہن

شک تھیونو تھیئ وجودج،لنگ بونو بل حقے جو
رنئ بیاک جہیم بیئ شیطانو او گماں ہں

حرص گہ طمع مݜیتین منوڙو لیل گہ نارور
نش لیل سُڇار گہ باطل، جیک سود جیک زیاں ہن

ݜیݜ لُک تھینین حق ٹ گہ ݜݜ لک نے باطل ٹ گہ
سانتِہ تو ناحق ئ دین،بس ایسجو خوشاں ہن

📺🔊