ݜݨیا بیاک

انُہ بیاک ݜݨیاٗ چولیْئ اتھلارےْ کار ہن

انُہ بیاک ݜݨیاٗ چولیْئ اتھلارےْ کار ہن

شینا کلام امام حسن کے بارے

Thursday, 16 May 2019، 06:21 AM

حسن ع ہن

پوں: غلام رسول ولایتی
گور نے دجئ څھگرئ سجِہ نیلیآر تو حسنؑ ہن
زہرایئ څھگیر نیل دِتِہ پھوݨر تو حسنؑ ہن

اتھالِہ ہگایر لپی برنگ سنگ بلو تارو
زہرائ ہیئ ڇل گہ نے کوثر تو حسنؑ ہن

رو حق الیقین، سید و سردار جناں ہن
نے نور خدا طاہر و اطہر تو حسنؑ ہن

وحی ئر سجو دبون ئ تکیدو سجو یرگان
دنیاتر خدا پآشن اے مظہر تو حسنؑ ہن

سمولو نبیسؐ ڈا تھے بڑو تھیتو او پوڇو
جنت ئر ہن اے چاکُرو افسر تو حسنؑ ہن

چنآلو نبی توم زیزی بُبا علی پولو
ابشے بٹیے سبش پِھرین او در تو حسنؑ ہن

حاتم تو ڈنگ ہنو تھئ اے شیَلار پشی تین بیش
ڇوکے رگوٹے بہ گریپوٹ زر تو حسنؑ ہن

تھیئ دݜ گہ موۡریار،برگہ کݜآر گہ یپِجآر تو
بیرو ہیو دو تھرک تھئ اے کھنگر تو حسنؑ ہن

صفینئ نُہ داسر اپونیٹ گیے نے شٹو کار
رنو سینۡیِہ اور گور پھریئ ، زرَور تو حسنؑ ہن

دادو سمولو رسول ئ امتئ بکھنہ کار
ابشو دہ نکھائ شافع محشر تو حسنؑ ہن

تھیئ ذکر ہن تورات گہ بخاری گہ مسلم ر
خلافایہ بایو نومو جو شبر تو حسن ہن

انے ولایتی بٹے څھوں نوم ج دکے ہن
دیولوک ترے،بہݜے وارہ مئ تھر تو حسن ہن

19/05/16