ݜݨیا بیاک

انُہ بیاک ݜݨیاٗ چولیْئ اتھلارےْ کار ہن

انُہ بیاک ݜݨیاٗ چولیْئ اتھلارےْ کار ہن

دبونی تکینی؛ لا الہ الا ﷲ

پوں کِݜ:رضا امجد ہندستان

ہندستانئ ݜݨآ

جبج ہن ذکر انِہ لا الہ الاﷲ
ہر کھیݨ ثنا تھین رزیٓ لا اله الا الله

اُتھالِہ ہن تھنی قدرت اتھالِہ تھئ رحمت
ہن زرہ زرہ ئج پوجیٓ لا اله الا الله

یون تارےۡ بردی انگآئ ہن دبون تکیاروج تھنی
ہر کھیݨ ثنا تھین رزیٓ لا اله الا الله

وو دو دنیاتو دبون پھݜ کیے بین تکیارے تھنیے
اتھالِہ تھئ زات ہنی لا اله الا الله

تُہ نش تو کو ہن رڇھالو دو عالمینوج اسوٹ
دَجآر گِہ تھئ بےۡ مُچیٓ لا اله الا الله

دعوی تھے گیک جگ خدایو فرعون گہ نمرود پھݜ
اک ہیݜکیٹ گیے نوشیٓ لا اله الا الله

بوئ گین نی انسان گہ دشمن مومنوٹ دنیاتج
نعمت گی تھئ نے توشیٓ لا اله الا الله

توۡمو پٹے جو گہ اشتو ہنوک نِہ انسان اش
ہن اک متو جو دجیٓ لا اله الا الله

ہر سی جو بوٓئ گنیس لنگ حرص گیٓ دنیاتئ
مُچآر تہ حجتؑ ڇیݨیٓ لا اله الا الله

رک تھینو اش ہر منوڙوس واعظ گہ ناصح دلیون
ہر سی جو گہ اُڇیٓ لا اله الا الله

گناہ سنےٓ گنو امجد سَرِہ گہ سِنو شرِہ
بگݜݜ لُکھے ہت گنی لا اله الا الله


18/05/21
غلام رسول ولایتـی

حمد

دبونی تکینی

ہندستانی شنا