امام حسینؑ ئ تکینی
پوں کݜ:حور شاہ حور__لکھاروۡانجنیر رضا
مومنو مولاحسینؑ جیل تُجو فدا حسینؑ
دینئ بادشاہ حسینؑ جیل تُجو فدا حسینؑ
جِیل گہ آل گہ بُوڙِہ دے کولو ݜیݜ گہ نے تھگا
غیرتیلو موشا حسینؑ جیل تُجو فدا حسینؑ
توس امامتئ انے فرضیجو گہ بسکی تھے
حق ادا تھیگا حسینؑ جیل تُجو فدا حسینؑ
وا حسینئ لیلے سانت وعدہ تھون وفا تھوکیئ
وفادارو را حسینؑ جیل تُجٶ فدا حسینؑ
کاٹ گے بِرگا ݜاتِہ بوت کاٹ گے سُوتِہ گہ مآتِہ بوت
توم ہِیر چھورا حسینؑ جیل تُجو فدا حسینؑ
تھئ پونیئ شہیدو سانت میئ گا لیل مشارو بوت
آنِہ ہئن التجا حسینؑ جیل تُجو فدا حسینؑ
تھیئ غمیئ انِہ اٰنݜے گین کھچئ خیالیِ بُوٹے دُوجوک
تھون ہیو صفا حسینؑ جیل تُجٶ فدا حسینؑ
ار بیموس مہ نے ہروت کوٓکسے یزیدئ پونیِر
تھئ بنیٓ عبا حسینؑ جیل تُجو فدا حسینؑ
کوٓن گہ حق سجون بلِین آل حسینؑ بلوڇوۡ نوش
ہن بُوٹو سجا حسینؑ جیل تُجٶ فدا حسینؑ
بوٹے غمو بلین ہنو حور حینئؑ غوم گینوک
یاحسینؑ تھے یا حسینؑ جیل تُجٶ فدا حسینؑ