مرثیہ امام (حسین علیہ السلام) خطاب بہ قاتل پلید (لعنةﷲ)
پوں کِݜ:پیر غلام النصیر چلاسی
بَل بُلو شُونئ شرِہ گرگر تھے ترس نہ اڑا
وو بے تمیز کوسے گہ آنئ زیلئ ظلم نہ تھوۡبا
کیہ ناحق اڇھوݨوۡ تھا علیؑ گہ فاطمہؑ ئ جگر
لیلہ مجا چپ بلو سنئ اسہ نازبین پسر
قبر دَہ غمجن بلو محمدؐ خیرالبشر
وو بے عقل قتل اہل بیتوؑ کیہ بہتر پشا
وو بے تمیز کوسہ گہ آنئ زیلئ ظلم نہ تھوۡبا
تھئ سو کھچو ݜک کدا تھے آ ݜکڑے کپ بلو
ڈا دیک نبیؐ سے تھئ اڇھیو مُڇھو رَپ رپ بلو
ترس اڑےٓ شیطان گہ آ دِشےۡ جو اُڇِیٓ چپ بلو
داغک امتئ ہیو جہ تا بہ قیامت ݜَیا
وو بے تمیز کوسہ گہ آنئ زیلئ ظلم نہ تھوۡبا
اٰلوۡ تُہ وو شمر آنئ ارادہ گِیٓ میدانیڑہ
نےٓ پُھٹلِہ تجہ موۡ حیران ہنوس،آسمانیڑہ
نےٓ اڇھتو آدہ، تعجب ہنی نیرانیڑہ
آنئ گیٓ صفا لیٓل بِلِہ،لآ زیات ہنو صبر خدا
وو بے تمیز کوسہ گہ آنئ زیلئ ظلم نہ تھوۡبا
اہل مرسلانو ڇکیا کوٓئ زیلئ رم شم بلہ
آنئ مِݜہ جک گیہ بش آ جگو جو ادا غم بلہ
یاد اڑہ آ وخ مئ غریب دِل دہ،لَوۡمہ لُم بلہ
یاد اڑہ آ وخ اش چلاسی ہنو بے حد خفا
وو بے تمیز کوسہ گہ آنئ زیلئ ظلم نہ تھوۡبا
مشکل الفاظ:بل بلو حملہ کرنے والا۔رپ رپ بلو آنکھوں کے سامنے کوئی چیز آئے جس کی وجہ سے غصہ آتا ہے۔ لومے لم بلے شلعہ نکلے ۔ رمشم بلو پریشان ہوا۔ریاک کتاب۔
ریاک:زادِ سفر