لکھاروۡ:ولایتی
پوں کِݜ:حور شاہ حور
علی ئ چنآلو تکینی
ہن علیئ دوست گہ او غلام گہ مولی گہ او
سونڇِہ پون پِݨیتیجو کھس دنیات وار پھر نہ بین
سڇیار ئر سلمان نہ بین رو فخر ابوزر نہ بین
کھے تھے کوس علی منین او مالک اشتر نہ بین
موتئ پون رٹیوجا بیین زندگی ہتر گینی
شوق گہ مآرݨ دمشِہ تھین رو دنیاتج مگر نہ بین
پائے رک کرےٓ گہ نہ تھین برگئے وار ڙس بلوت
دشمنئ مجا گیے مؤمنئ ہیو تھر تھر نہ بیین
ݜو تھے راحتر نی بیین مشکلئ سیوں سنین
راحتر بئ بیخبر مشکلر تھر نشر نہ بیین
نفس گہ توم رٹھین تو نے متئ اونیآر اسپائ تھین
توم ڈیریر بٹِہ گہ گݨین ۔۔۔یر نہ بیین
پونِیر نش تو حور علی ئ نوم گݨیتئ ترݨ نہ دے
امامئ رکیر تو ہنو تھئ رکیر امام نہ بیین